لضحايا الحب..... كيف تنسي حب عشتة؟؟

الموضوع دة لضحايا الحب .. والتاس اللي عيشت نفسها في العذاب
اللي اعتزلوا الناس وأعلنوا هزيمتهم .. واللي سجنوا نفسهم في آلام من ورق

لكل واحدة حبت واحد بيتسلى او بيلعب وسبها حيرانة ومهتمش
ولكل واحد حب واحدة لعبت بيه وسابته يتألم ويتعذب لوحده

لكل حد بيقول " انا مش هقدر اعيش من غير حبيبي"
لكل اللي بيقول بيتمنى الموت وان مفيش سعادة في الدنيا

لو سمحتوااااااااا أقفوا مرة وحدة بجد واتغلبوا على المآسي دي
والله القلب زي ما بيقدر انه يحب بيقدر بردو انه يتخلص من الحب دة
بس الموضوع محتاج قوة وارادة

معادلات الحب مختلفة عن المعادلات العادية

فاللي بنحبه بسهولة صعب انك تتخلى عنه وتنساه بسهولة
ولو حبيت سنة صعب انك تنسى بعد أقل من 5 سنيين وبالعافية
وممكن بعد ما تنسى يرجعلك الحب دة تاني وذكرياته في لحظة

عشان كدة احنا بجد محتاجين ارادة وجهد وعدم استسلام طبعا لكل اللي بيتقال ان الحب
دة مش بيتنسي وصعب اني اتحلص منه

ودي ممكن تكون طرق للتخلص من الحب دة:

1- الرجوع إلى الله :
ده من أقوى و أهم الوسائل اللي هتخلصك من الحب دة اللي تعبك واكيد مقصدش ان كل العاشقين بعيدين عن الله ..
أرفع
يدك إلى من أبتلاك بالحب فهو قادر على أنه يشيله من قلبك أطلب منه أنه
يطهر قلبك من الحب ده و أن يثبتك على صراطه المستقيم و أن يبدل الحب اللي
في قلبك بحبه و يملأ قلبك بنوره . أستمر على دعائه في كل صلواتك ولا تقنط
من رحمته وحط حملك و ثقلك عليه هو وحده من بيده القلوب يقلبها كيفما يشاء
و أكثر من قراءة القرأن و ربنا مش هيخزلك أبدا لو أخلصت النيه في التخلص
من حبك الفاشل القديم .


2- متسترجعش الذكريات القديمة مهما حصل :
ابعد
على قد ما تقدر عن الدخول في الذكريات القديمة و الوقوف على الأطلال و
التحسر عليها والتمني لو أنه يفضل و مكنش مشي ، فالذكريات سواء سيئة أو
جميلة بتتعب القلب أوي والذكريات بتقلب المواجع القديمة واحتمال
تصاب بالاكنآب واليأس


3- متقراش الاشعار القديمة والرسايل القديمة و أشعار الحب والغزل:
طبعا اغلبية اللي بيحبوا بعد عندهم الحجات دي كتير على ورق وعلى الايميل او رسايل الموبيل فلازم نتخلص منها ومنقرأهاش

4- التخلص من اي حاجة بتفكرك بيه:
زي الهدايا مثلا..

5- البعد عن التليفزيون لفترة مؤقتة
99% من المسلسلات والاغاني بتتكلم عن الحب وبذات الاغاني , اكيد بتفكرك بمواقف ودة هيزود تعبك النفسي


6- متحاولش تقنع نفسك انك لو فضلت مع حبيبك كان زمانك اسعد واحد:
قول
الحمد لله على كل حال وكويس انها انتهت بالطريقة دي .. ومفيش داعي تكمل
فصول خياليه .. مفيش فايدة الا الهروب من الواقع لفترة صغيرة فهتتصدم
وهترجع للواقع بتاعك تاني فكدة لا انت في دنياك ولا في خيالك,
طيب يبقى ليه هتتمنى اماني مش حقيقية ؟


7- متلومش نفسك ولا واقعك:
متعدش تقول ليه حبيته ويارتني ما حبيته
بالعكس أقبل نفسك وقول دي تجربة وعدت واتعلمت منها كتير وأقنع نفسك ان الدنيا تجارب ولازم الانسان يمر بيها عشان يتعلم


8- الحب القديم صعب يتنسي الا بحب جديد:
دة مش معناه ان كل واحد يروح يحب تاني وتالت ورابع
انا أقصد ان لازم تدور كويس على حد تحبه تاني بجد ويبقى يستحق الحب دة وهو اللي هينسيك الحب القديم


9– تجنب الألفاظ السلبية:
(مستحيل أنساه) ، ( مستحيل أحب غيرها) ، (كانت أكثر وحدة تفهمني) ، (كان أكثر واحد يفهمني)
دايرة فاضية بنصنعها بايدينا عشان نعذب نفسنا وندخل نفسنا في دوامة الحب وآلامه
يا ترى العبارات دي هتغير الواقع؟؟
هترجعلك حبيبتك؟؟
هتنفعك في حاجة؟؟
بالعكس هتضرك وهتضايقك


10-
حاول تغير نمط حياتك وأشغل نفسك بأي حاجة , أخرج وروح زور قريبك وأصحابك ,
اضحك وهزر , اشترك في نوادي و ورياضة .. ألعب أفرح وخليك متأكد ان لسة
الدنيا بخير

و والله الدنيا مش بتقف على حد

********************************
وطبعا
انا بعتب على اللي اتصدموا في حبهم أن واحد يسيب واحده او واحدة لعب بواحد
وحبت غيره او هو حب غيرها , دول طبعا اجدر انهم ميزعلوش كتير لان كل اللي
كانوا فيه دة كان سراب وكذب

أما اللي حب واحده وحبته بس الظروف مخلتهمش يتجوزوا .. دول اللي بجد محتاجين صبر اكتر واجتهاد اكبر عشان ترجع حياتهم طبيعيه تاني
ربما يظل الواحد منهم يحب المحبوب حتي اخر لحظة في حياتة

هؤلاء اقول لهم انكم يوم ما ستتمكنون من نسيان من احببتوهم ولكن عليكم التحلي بالصبر وقوة الارادة

يمكن اي حد فيكم يقولي ان الكلام سهل جدا لكن الفعل صعب وان اللي ايدة في المية مش زي اللي ايدة في النار
كل الكلام دة صح جدااااا وان ماحدش بيحس بالنار الا اللي يلمسها
لكن............................
اقول لة كلنا بنتعرض لهذة المشاعر حتي لو بصمت ولا يعلم عنها شيء غيرك انت وعقلك

لكن هيحصل اية لو نجرب.........
زي ماجربت تحب جرب ولو لاسبوع واحد بس تعمل كدة وتشوف الفرق

وماتنساش ان من اجمل نعم ربنا علينا نعمة النسيان ومن غيرة ممكن الانسان يموت من شدة الحزن والالم
ادي نفسك فرصة انك تستفاد بالنعمة دي وخليك عارف ان لو كان ليك نصيب مع اللي حبيتوا ماكنش ربنا كتب عليكم الفراق والبعد
ولو
ليكم نصيب لبعض مهما بعدتكم وفرقتكم الايام مسيركم ولو بعد سنين ربنا
يجمعكم تاني ببعض وباغرب طريقة ممكنة ولا اجدع سيناريست في الدنيا يقدر
يتوقعها

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

ياتري ممكن فعلا تنسي حب عشتة؟؟؟
وهل انت ليك تجربة حصلت معاك وماحصلش نصيب ..... وقدرت فعلا تنسي حبك دة ولالاء؟؟؟؟؟
ولو قدرت تنسي ياريت تفيدنا وتقول قدرت ازاي وعملت اية؟؟؟ وحالك اية دلوقتي